Belarus prezidenti Aleksandr Lukaşenko Respublika Narkoloji Dispanserində baş vermiş yanğının faciəvi fəsadları ilə əlaqədar Azərbaycan prezidenti İlham Əliyevə başsağlığı verib.

Mediatv.az  xəbər verir ki, bu barədə Belarus liderinin mətbuat xidməti məlumat yayıb.

Belarus Bakının Respublika Narkoloji Dispanserində baş vermiş və insan ölümü ilə nəticələnmiş yanğınla bağlı xəbəri dərin hüzn hissi ilə qəbul edib, deyə məlumatda qeyd olunur.

Belarus dövlətinin lideri yanğın zamanı xəsarət alanlara şəfa diləyərək, ən yaxın zamanda sağalmalarını təmənni etdiyini bildirib.