Musavat.com-un erməni mətbuatına istinadən verdiyi məlumata görə, bunu Rusiyanın Ermənistandakı səfiri İvan Volınkin Azərbaycana 100 ədəd T-90S tanklarının verilməsi ilə bağlı suala cavab verərkən deyib.

“Bu, kommersiya məsələsidir. Burada siyasət yoxdur və belə məsələlərə diqqət kəsilmək lazım deyil. Mən burada heç bir kriminal görmürəm. Dəhşətli heç nə baş verməyib. Ermənistanla da hərbi-texniki əməkdaşlığımz inkişaf edir. Ticarətdir. Burada xüsusi bir şey yox”, - deyə diplomat əlavə edib.

Qeyd edək ki, ağır hərbi texnikanın son partiyası Azərbaycanla Rusiya arasında 2012-13-cü illərdə bağlanmış 4 milyard dollarlıq müqavilə çərçivəsində reallaşıb.