Məlumat üçün deyək ki, Şiraslan Əsədov Dövlət Sosial Müdafiə Fondunun Bakı şəhəri üzrə Hüquqi Şəxslərlə İş Departamentinin rəisidir. Ağalar Vəliyevin rəhbəri olduğu "Aqrartikinti"nin isə bi departamentə 63 min 700 manat borcu var. Bu borcun hansı səbəbdən yarandığı bəlli deyil. 

Məlum olan odur ki, Ağalar Vəliyev borcunu ödəmək istəmir. Hətta bu barədə 1 saylı Bakı İnzibati-İqtisadi Məhkəməsinin qətnaməsindən apellyasiya şikayəti verib. 

İstiqlal.az-a daxil olan məlumata görə, Apellyasiya Məhkəməsi də birinci instansiya məhkəməsinin qətnaməsini qüvvədə saxlayacaq. Çünki Ağalar Vəliyevin borclu olduğu daşdan keçən sənədlərlə təsdiq olunur. 

Məlumatda deyilir ki, Ağalar Vəliyevin borcunu ödəməməsi prezidentin şəxsi mühafizə xidmətinin rəhbəri general polkpvnik Bəylər Əyyubov faktoru ilə bağlıdır.  Generala yaxın şəxs olan deputat bu gücün onu vəziyyətdən çıxaracağına arxayındır. Bu baxımdan qarşı tərəf məsələ ilə bağlı prezidentə məruzə etmək niyyətindədir.