Türkiyədə koalisiya hökumətinin qurulması istiqamətində növbəti və demək olar ki, sonuncu mərhələyə start verilib. Mediatv.az-ın məlumatına görə, əsas müxalifət partiyası olan CHP-nin hakim partiya ilə hökumət qurmaq perspektivinin qeyri-mümkün elan edilməsinin ardından AKP digər müxalifət partiyası olan MHP ilə danışıqlara başlayıb. Bunun üçün baş nazir Əhməd Davudoğlu bu gün parlamentin binasında MHP lideri Dövlet Baxçalı ilə görüşüb. Görüş 20 dəqiqə gecikmə ilə başlayıb.

MHP koalisiya müzakirələrindən əvvəl öz şərtlərini irəli sürüb. Buraya kürdə məsələsi ilə bağlı həyta keçirilən proqramdan imtina, konstitusiyanın ilk 4 maddəsinin qorunması, 2013-cü ildə yaşanan qalmaqallı korrupsiya işinin araşdırılması və ölkənin parlament idarəetmə sistemində qalması daxildir.