Aİ Şurasının rəhbəri Donald Tusk ötən gün Ermənistanda səfərdə idi. Tusk Ermənistan prezidenti Serj Sarkisyan ilə keçirdiyi birgə brifinqdə bildirib ki, Dağlıq Qarabağ münaqişəsinin sülh yolu ilə nizamlanması Avropa İttifaqı üçün prioritet olaraq qalmaqdadır.

Görüş zamanı tərəflər Dağlıq Qarabağ münaqişəsinin sülh yolu ilə nizamlanması məsələsi daxil olmaqla beynəlxalq siyasətə dair bir çox məsələləri müzakirə ediblər. “Dağlıq Qarabağ münaqişəsi narahatlıq yaratmaqda davam edir və bu səbəbdən Aİ həmişə Ermənistan və Azərbaycan arasında barışığa nail olunmasına və dialoqun bərpa edilməsinə yönəlmiş səyləri dəstəkləyir”, deyə Tusk əlavə edib. 

“Tərəflər atəşkəs sazişinə hörmətlə yanaşmalıdır”, deyə o bildirib.