"Dağlıq Qarabağ münaqişəsi digər mühün beynəlxalq hadisələrin kölgəsində qalıb. Hərçənd Ukrayna problemi Azərbaycan-Ermənistan arasında olan münaqişəyə dünyanın diqqətini çəkdi".

Mediatv.az-in məlumatına görə, bu sözləri bu sözləri prezident İlham Əliyev Münhen Təhlükəsizlik Konfransı çərçivəsində “Ukraynadan əlavə - Avropada həll olunmamış münaqişələr” mövzusunda panel müzakirəsində deyib.

İlham Əliyev bildirib ki, Ukraynada yaranan böhran ciddi dərs olmalı və bu dəqiqliklə öyrənilməlidir.

"Əgər Azərbaycan və Ermənistan arasındakı münaqişə həll edilsəydi, Ukraynada da münaqişə baş verməyə bilərdi. Bu münaqişələr eyni ssenariyə malikdir. Hər ikisində ərazi bütövlüyü pozulub və hər ikisində də eyni nəticə - işğalıçılıq və separatizm. Bunlar güzgü kimidir. Ona görə də biz beynəlxalq ictimaiyyət və dünyanın aparıcı ölkələrindən eyni münasibəti gözləyirik. Digər münaqişələrdən fərqli olaraq Dağlıq Qarabağla bağlı BMT-nin 4 qətnaməsi var. Fakt budur ki, qətnamələrin heç biri yerinə yetirilmir, öz qərarlarına belə hörmət etmirlər", - deyə İlham Əliyev bildirib.