Şoumen şirniyyat mağazasının qarət olunması barədə açıqlama verib

Məşhur şoumen Murad Dadaşov “Côte d`Azur” şirniyyat mağazasının qarət olunması barədə danışdı.

Simasından gülüş əskik olmayan Murad Dadaşov bu hadisəni də yumor hissi ilə qarşılayıb. Şoumen bunları bildirib: “Mən düşünmürəm ki, bu oğurluq məqsədi ilə edilib, bir nəfər sadəcə gecə vaxtı şirniyyat həvəsinə düşüb. Mən özüm kök vaxtlarımda şirniyyat üçün nələr etdiyim yadıma düşdü, kimlərdən, haralardan dadlı tortlar axtarıb tapırdım. Saatın neçə olduğunu bilmirdim (gülür)”

Bundan əlavə olaraq Murad Dadaşov mağazaya ziyan dəymədiyini bildirib. Pəncərəni sındırıb içəri daxil olan şəxs sadəcə bir telefon götürüb: “Balaca bir mağazadır. Orada nə olar bilər ki? İçəri girib tortların maket olduğunu zənn edərək onlara dəyməyib, telefonu götürməklə kifayətlənib". 

Şoumen hadisədən tez bir zamanda xəbər tutan Səbail rayon 9-cu bölmənin polis əməkdaşlarına təşəkkürünü bildirib. Dövlətin polislərindən hər zaman razı olduğunu vurğulayıb.