Əməkdar artist Baloğlan Əşrəfov şəxsi həyatları və qalmaqallarla gündəmə gələn müğənnilərə iradını bildirib. “Qafqazinfo”ya açıqlamasında əməkdar artist sənətçiləri qalmaqallardan uzaq olmağı, sənətləri ilə gündəmə gəlməyi məsləhət görüb: 

“Yaxşı bir atalar sözü var. Deyir aşığın sözü qurtaranda dalay-dalay edir.Yeni mahnıları, işləri olmadığına görə  bəzim müğənnilər gündəmdə qalmaq üçün dava-dalaş etməyə məcburdurlar. Onlara məsləhət görürəm ki, Allah onlara  səs verib, yaraşıq verib. Bədii savadlarına fikir versinlər, gözəl mahnılar yazdırsınlar, ifaları ilə yadda qalsınlar. Bir gənc ifaçı xoşagələn mahnı oxuyanda  sevinirik.  Sənət fəaliyyətləri ilə yadda qalsınlar, qalmaqallarla,  şəxsi həyatları ilə xatırlanmasınlar. Biri çıxıb efirdə deyir ki, boşanıram, o biri deyir ərə gedirəm. Biri evinə kameralı yığır ki, bu mənim boxçamdı, geyindiyim paltarlardı. Televiziyalar gündəmdə qalmaq üçün, reytinq yığmaq üçün onları efirə buraxır. Hərdən mənə deyirlər ki, filan müğənni var ki, hər gün efirdə göstərirlər, o hansı mahnını oxuyur. Cavab verə bilmirəm.  Mən belə işlərdən uzağam, ehtiyatda o qədər yeni mahnım var, vaxt tapıb onları lentə aldıra bilmirəm. Uşaqlarım, dostlarım deyir ki, efirlərdə başqa məsələlərə münasibət bildirmə, ancaq oxu.  Mən də bacardığım qədər işimlə məşğul oluram. Qalmaqala, dava-dalaşa ehtiyacım yoxdur”