Prodüser Səbuhi Ariflə işbirliyinə başlayan xanəndə Nigar Şabanova mütəmadi yeniliklər edəcəyinə söz verib

Publika.az-ın məlumatına görə hazırda iki yeni mahnı üzərində çalışan istedadlı ifaçı bunların “Yar belə imiş” (sözləri Oqtay Kamil, musiqisi Hacı Nazim) və “Sevirəm” (sözləri Həbibi Qubadzadə, musiqisi Orxan Rəhimov) adlı mahnılar olduğunu diqqətə çatdırıb.

Sözü gedən mahnılar ekran həllini tapacaq. Bundan başqa Nigar Şabanovanın yaxın aylarda qastrol proqramı başlayır. O, bir neçə xarici ölkədə konsert proqramı ilə çıxışlar edəcək.