Axşam.az-ın məlumatına görə, sənətçi “Şou+” verilişinə açıqlamasında qalmaqallardan bezdiyini bildirib: 

“Bundan sonra “şor-biznes”də yoxam. Bu aləmdə Nadir Qafarzadə adı hallanmasın. Artıq verilişlərə də qtılmayacağam. Telefon nömrələrimi dəyişmişəm, prodüserimə də tapşırmışam, heç kimlə məni əlaqələndirməsin. Hansı verilişdə gedib ancaq oxuyacağamsa, onu qəbul edəcəyəm. Orada kiminsə haqqında danışacağamsa, efirə çıxamayacağam. Məndən istifadə edirlər. Düzgünlük tərəfdarıyam, yalan olanda tez əsəbiləşir, nə gəldi danışıram. Özüm özümə nifrət edirəm, efiri istəmirəm. Qalmaqalla reklam istəmirəm, bezmişəm. Qoy yaddan çıxım. Mən buna da razıyam. 21 ildir, ailəmi yumruq kimi qoruyub saxlamışam. O qədər bir-iki nəfərə görə şou-biznesin adı pis çıxıb ki, istəmirəm buranı”.

Nadir Qafarzadə qalmaqalların ailəsində problem yaratdığını açıqlayıb:

“Verilişdə sual verirlər, cavablandırıram. Evimə qayıdanda həyat yoldaşımı tapmıram. Yazıb ki, bunlardan əl çəkməsən, ailəmiz dağılacaq. Ailəmi dağıdan sənəti istəmirəm. Mənə ailəm lazımdır. Ailəmlə şam yeməyi yemək milyon tədbirdən üstündür”.