Bakıda narkotik alverində şübhəli bilinən şəxs saxlanılıb.

Mediatv.az-a Daxili İşlər Nazirliyinin (DİN) mətbuat xidmətindən verilən məlumata görə, Sabunçu RPİ əməkdaşlarının həyata keçirdikləri əməliyyat-axtarış tədbirləri nəticəsində Maştağa qəsəbə sakini Ağatahir Zəkiyevdən 5,38 qram marixuana götürülüb. Ona məxsus BMV markalı avtomobilə baxış zamanı əlavə olaraq 4 kiloqram marixuana, 2 ədəd bıçaq, 1 ədəd taxta dəyənək, həyətyanı sahəsinə baxış zamanı isə 9 ədəd çətənə kolu və 29,75 qram marixuana və elektron tərəzi aşkar edilib.
Digər narkotik əməliyyatı isə Sumqayıtda keçirilib.
Sumqayıt ŞPİ 3-cü PB əməkdaşlarının həyata keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Azər Cəlilovdan 6,58 qram, evinə baxış zamanı isə əlavə olaraq 1,1 kiloqram marixuana aşkar edilərək götürülüb.
Hər iki faktla bağlı araşdırma aparılır.