Bu gün Bakıda  Azərbaycan-Türkiyə işgüzar görüşü keçirilib.

“Mediatv.az” xəbər verir ki, bu barədə iqtisadiyyat naziri Mikayıl Cabbarov öz tvitter hesabında bildirib.

M. Cabbarovun sözlərinə görə, Türkiyənin ticarət naziri Ruhsar Pekcan və hər iki ölkənin sahibkarlıq təşkilatlarının iştirakı ilə əməkdaşlığn inkişafı perspektivləri barədə fikir mübadiləsi aparılıb.

Daha sonra Azərbaycanla Türkiyə arasında rəqəmsal ticarət haqqında Anlaşma Memorandumu imzalanıb.

Sözügedən sənəd ticarət əlaqələrinin yeni müstəvidə genişləndirilməsinə, mal və xidmətlərin müasir vasitələrlə ticarətinə və ölkələrdə rəqəmsallaşma prosesinin inkişafına təkan verəcək.