Azərbaycan almalarının Ermənistana idxalı ilə əlaqədar qalmaqal Yerevanda ictimai və siyasi əhval-ruhiyyəni indiyə qədər təlx edir.  

Mediatv.az erməni nəşri “Hayinfo”ya istinadən xəbər verir ki, Ermənistanın Dövlət Gəlirləri üzrə Komitəsi bu almaların əslində Polşa mənşəli olduğunu və Azərbaycanda markalanmasını müəyyən edib. 

“Bu ölkədə həmçinin tropik meyvələrin, o cümlədən də kivinin markalanması da həyata keçirilir”, - məqalədə bildirilir. 

Məqalənin müəllifləri müəyyən ediblər ki, bu günlərdə erməni gömrükçüləri Ermənistana markalanması olmayan istənilən almanın gətirilməsini qadağan edir.  

“Bununla yanaşı, Ermənistana Azərbaycandan, ümumiyyətlə, başqa bir ölkədən olan hər hansı malın idxalına hüquqi məhdudiyyət yoxdur”, - qəzetdə yazılıb. 

Nəşr, həmçinin qalmaqaldan sonra da Azərbaycan mənşəli məhsulların idxalının qadağan edilməsinə dair heç bir hüquqi akt tərtib edilməyib, “bunun əvəzinə sərhəddə özbaşınalıq davam edir”. 

Ermənistanın Dövlət Ərzaq Məhsullarının Təhlükəsizliyi Xidməti aprelin 23-dən başlayaraq üç gün ərzində KİV-də Azərbaycan almalarının satışına dair yayılmış informasiyanı yoxlamaq üçün irimiqyaslı araşdırma aparıb. Yoxlama nəticəsində Azərbaycan almalarının satışı qeydə alınıb. Yoxlamalar təzə meyvə və tərəvəz satışı məntəqələrində, supermarketlərdə, eləcə də Yerevan və əyalət bazarlarında aparılıb