Türkiyə prezidenti  Rəcəb Tayyib Ərdoğan inşası yeni başa çatan yeni Prezident Sarayında hökumətin ilk toplantısını keçirib.

Avropa.info  xəbər verir ki,  Ərdoğanın toplantı keçirdiyi  zalda , əvvəlki dövrlərdən  fərqli olaraq divarda Atatürkün portretinin olmaması diqqət çəkib.

Türkiyədə solçulara yaxın "Cümhuriyyət" qəzeti Ərdoğanı bu addımına görə,  tənqid edib. Ərdoğana yaxın media isə, bunun yeni bir şey olmadığını, öncəki illərdə mərhum prezident  Turqut Özalın da keçirdiyi toplantı zallarında Atatürkün şəkilinin asılmadığını yazıb. 

 

Toplantıda çıxış edən Tayyib Ərdoğan "paralel dövlət"ə qarşı böyük bir savaş açıldığını və bu mübarizənin qətiyyətlə davam etdiriləcəyini bildirib. O , həmçinin  dünyada müsəlmanlara, məscidlərə edilən hücumların son zamanlar artdığını və İslamafobiyanın bir bəla olduğunu deyib. Fələstin probleminə toxunan prezident, İsraili də sərt şəkildə tənqid edib.