Rusiya Liberal Demokrat Partiyasının (LDPR) lideri Vladimir Jirinovski partiyasının imicini dəyişmək qərarına gəlib.

Dövlət Dumasının girişində jurnalistlərlə görüşən LDPR lideri deyib ki, bu, onun Federal Məclisin aşağı palatasında son müsahibəsidir. 

“Partiyanın imicini dəyişmək lazımdır. Jurnalistləri yalnız öz kabinetimdə qəbul edəcəm. LDPR indən belə bir adamın partiyası deyil. Artıq bu adam yoxdur, o, öz kabinetindədir. Partiya isə işləyir. İndi Dövlət Dumasının girişinə bizim başqa deputatlar çıxacaq. Onlar bunu istəyirlər, bunu bacarırlar”,- deyə Vladimir Jirinovski vurğulayıb. (ans press)