“Moskvada 44 pasiyent vəfat etdi. Onların hamısına pnevmaniya diaqnozu qoyulmuşdu və koronavirus infeksiyası ilə bağlı analizləri müsbət alınmışdı”, - Operativ Qərargah bildirib.

Qeyd edilir ki, bununla da paytaxtda koronavirus qurbanlarının ümumi sayı 3 231 nəfərə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.