Türkiyədə 15 iyul hərbi çevrilişə cəhd edən Fətullahçı Terror Təşkilatının (FETÖ) rəhbəri Fətullah Gülənin varisinin kimliyi və gizləndiyi yer məlum olub.

Mediatv.az xəbər verir ki, sözügedən ölkənin mətbuatına istinadən verdiyi məlumata görə, F. Gülənin Türkiyə üzrə keçmiş imamı Mustafa Özcan FETÖ-nün hökmranlıq etdiyi ölkələr içərisində birinci olan Qırğızıstana gedərək, oranın vətəndaşlığını qəbul edib.

Qeyd olunub ki, bu barədə məlumatı, F. Gülənin bir vaxtlar Qafqaz regionunda rəhbərlik edən keçmiş köməkçisi Həyati Küçük açıqlayıb.

Onun sözlərinə görə, FETÖ üzvləri artıq ABŞ-dan qaçmağa başlayıb. “FETÖ-nün qaranlıq dünyasının açarı” adlandırılan Mustafa Özcanın hazırda Qırğızıstanda olduğu bildirilir:

“Onlara paspotları Qırğızıstanın imamı Orxan İnandı verib. Bu inanılması çətin olan bir reallıqdır. Bu vətən xainləri hazırda sığınmaq üçün özlərinə ölkə axtarırlar. Onlar sığınmağa ölkə tapa bilməyəcəklər. Səfalət içində yaşamalı olacaqlar. Qırğızıstan tərəfi Bolqarıstan baş naziri kimi bütün FETÖ-çülərin başlarını verəcəklərini deyə bilmədilər. Bu, çox təəssüf doğurur.

Bu gün yanğını söndürməyənlər tarix qarşısında cavab verəcəklər. Fərarilik edib, xarici ölkələrdə səfil həyatı sürən FETÖ-çülərə səslənirəm, gəlib türk ədalətinə təslim olun. Artıq bu xəyanətə dəstək olmayın”. 

Azvision.az