Ermənistan tərəfi cəbhə xəttində gedən döyüşlərdə ölən hərbçilərin bir qismini etiraf edib

Mediatv.az Azvision.az-a istinadən xəbər verir ki, Qarabağ separatçılarının nümayəndəsi Senor Hasratyanın sözlərinə görə, aprelin 2-dən 5-dək təmas xəttində gedən döyüşlərdə 64 erməni hərbçi ölüb, 122 nəfər yaralanıb.

“14 tankımız və bir sıra zirehli texnikamız məhv edilib”,-deyə Hasratyan qeyd edib.

Qarabağ separatçılarının nümayəndəsi əlavə edib ki, Ermənistan üç gün ərzində cəsədlərin dəyişdirilməsi prosesində döyüş meydanında 21 hərbçinin cəsədini götürüb.