Türkiyənin Diyarbəkir şəhərində törədilən terror aktında həlak olanların sayı 6 nəfərə çatıb.

Mediatv.az bildirir ki, “Report” “Anadolu”ya istinadən xəbər verir ki, hadisə zamanı 9-u mülki vətəndaş olmaqla 29 nəfər yaralanıb. Təcili tibbi yardım maşınlarıyla şəhərdəki müxtəlif xəstəxanalara aparılan yaralılardan 6 polis əməkdaşının həkimlərin müdaxiləsinə baxmayaraq, həyatlarını xilas etmək mümkün olmayıb. Hazırda xəstəxanalarda 9-u mülki vətəndaş olmaqla, 23 yaralının müalicəsi davam edir.
Terror aktıyla bağlı Diyarbəkir Şəhər Prokurorluğunda araşdırmalara başlanıb.

***

Türkiyənin Diyarbəkir şəhərində törədilən terror aktında 14 nəfər yaralanıb. Onlardan biri mülki vətəndaş, 13 nəfəri isə polis əməkdaşıdır. “Report”un Türkiyə KİV-inə istinadən xəbər verir ki, bu barədə Diyarbəkir valisi jurnalistlərə açıqlamasında məlumat verib. Məlumata görə, şəhərdəki müxtəlif xəstəxanalara qaldırılan yaralılardan 4 polis əməkdaşının həkimlərin müdaxiləsinə baxmayaraq həyatlarını xilas etmək mümkün olmayıb.

* * *

Türkiyənin Diyarbəkir şəhərində güclü partlayış baş verib. “Report”un Türkiyə KİV-inə istinadən verdiyi məlumata görə, hadisə Diyarbəkir-Şanlurfa avtomobil yolu üzərindəki avtovağzalın yaxınlığında olub.
Məlumatda Diyarbəkirdə polisləri daşıyan mikroavtobusun hərəkəti zamanı içərisinə partlayıcı maddə qoyulmuş avtomobilin partladıldığı, nəticədə avtobusun içərisindəki polislərin və ətrafdakı vətəndaşların yaralandığı qeyd olunub.
Xəbərdə həmçinin hadisə yerinə çox sayda təcili tibbi yardım maşınının sövq edildiyi, yaralı polislərin Diyarbəkir Hərbi Hospitalına, sivil vətəndaşların isə müxtəlif xəstəxanalara aparıldığı vurğulanıb.