Rusiya sərhədi boyunca tezliklə NATO-nun döyüşə hazır hərbi kontingenti yerləşdiriləcək.

Mediatv.az xəbər verir ki, NATO Avropadakı birgə silahlı qüvvələrinin komandanı Filip Bridlav deyib ki,  Pentaqon ordu və ağır artilleriya göndərmək qərarı alıb. 

“ABŞ Şərqi Avropada və başqa yerlərdəki müttəfiqlərini Rusiyanın təcavüzkar siyasətindən qorumaq naminə güclü və balanslaşdırılmış yanaşma nümayiş etdirir” – general Bridlav belə deyib.

Bu o deməkdir ki, NATO artıq gələn ilin fevralında Rusiya ilə həmsərhəd 6 ölkədə 4500 ABŞ əsgəri və 250 tank göndərəcək. Hərbi kontingentə “Bradley” markalı piyadanın döyüş maşını, özüyeriyən artilleriya qurğuları və başqa texnika ilə dəstək veriləcək.