Türkiyədə güclü partlayış baş verib.
Mediatv.az Türkiyə KİV-ə istinadən xəbər verir ki, hadisə İstanbulun mərkəzi meydanlarından olan Sultanahmetdə qeydə alınıb. Məlumata görə, hadisə nəticəsində çoxlu sayda ölən və yaralanan var.

Səbəbi hələ müəyyən edilməyən partlayış zamanı bir polis maşını aşıb. Hadisə nəticəsində onlarla polis yaralanıb. Mətbuatda yer alan xəbərələrə görə, hadisə canlı bombanın özünü partlatması nəticəsində baş verib.

***

Türkiyə mətbuatının məlumatına əsasən, partlayışda 10 nəfər həlak olub. Partlayış nəticəsində ölənlərdən 9 nəfəri alman turistidir.Xəsarət alanlar arasında polislər də var.

Belə ki, partlayış xəbərinin yayılmasından sonra hadisə yerinə gedən polis maşını qəzaya düşüb. Aşan avtomobildəki polislər yüngül yaralanıblar, maşın isə vətəndaşların yardımı ilə qaldırılıb.

***

İstanbulda partlayış nəticəsində 10 nəfərin öldüyü təsdiq edilib.