“Səudiyyə Ərəbistanının tutduğu yol və törətdiyi cinayətlər gələcəkdə bu ölkənin dağılmasına gətirib çıxaracaq”.

Mediatv.az xəbər verir ki, bunu İran İslam İnqilabı Keşikçilər Korpusunun (SEPAH) baş komandan müavini general Hüseyn Salami deyib.

H. Salami Səudiyyə Ərəbistanını regionda müharibəni alovlandırmaqda və terrorçu qrupları dəstəkləməkdə ittiham edib: “Əl-Səud rejimi düşünür ki, başqa ölkələrdə müharibəni alovlandırmaq və təkfirçi qrupları dəstəkləməklə, Həcc ziyarətinin təşkilatçılığında səhlənkarlıq etməklə , tanınmış dini və siyasi şəxsiyyətləri edam etməklə bölgədə güclü dövlətə çevriləcək”.

H. Salami Səudiyyə Ərəbistanı rəsmilərini Səddam Hüseynin aqibətinin gözlədiyini bildirib. “Səudiyyə Ərəbistanı rəsmiləri Səddamın ötən əsrin 80-ci illərində getdiyi yolu gedirlər. Səddam rejimi də həmin vaxt qonşu ölkələrə hücum etdi, alimləri öldürdü, daxili etiraz dalğasını yatırdı. Sonda hamı Səddam rejiminin necə utancverici, zillət və nifrət içində dağılmasının şahidi oldu”.