Türkiyə prezidenti Rəcəb Tayyib Ərdoğan xalqa Yeni il müraciətində silahlı qüvvələrin PKK ilə mübarizədə uğurları haqda hesabat verib.

Mediatv.az-ın məlumatına görə, ölkə prezidenti PKK terrorçularına qarşı hərbi kampaniyanın yeni ildə daha da gücləndiriləcəyini bildirib.
“2015-ci ildə ölkədə və onun xaricində aparılan antiterror əməliyyatları nəticəsində 3100 terrorçu öldürülüb” – deyib Ərdoğan.
Moratoriumun elan edildiyi 2013-cü ildən sonra Türkiyə PKK-ya qarşı hərbi gücünü bu il ilk dəfə yazda işə salıb. Suriya ilə sərhəddəki Suruç şəhərində 32 nəfərin həyatına son qoyan terror aktından sonra Türkiyə silahlı qüvvələri terrorçuların düşərgələrinə hücumlara başlayıb.