Dünya liderləri “Böyük 20-lik” ölkələrinin Antalyada keçirilən sammitində kəşfiyyat sahəsində imformasiya mübadiləsi eləmək, terrorçuların maliyyə mənbələrini kəsmək və Avropada sərhədlərin təhlükəsizliyini möhkəmləndirmək qərarına gəliblər.
Mediatv.az xəbər verir ki, bunu noyabrın 16-da iki günlük sammitin sonunda Almaniyanın kansleri Angela Merkel bəyan edib.
O qeyd edib ki, terrorçuluq problemi yalnız hərbi yolla həll edilə bilməz.
Rusiya prezidenti Vladimir Putin isə bildirib ki, “İslam Dövləti” qrupunun qaçaq neft yolu ilə gəlir əldə etməsini kəsmək lazımdır.
Böyük Britaniyanın baş naziri Devid Kameron isə Suriyadan qaçqın axını ilə bağlı yaranmış problemi həll eləmək üçün donor ölkələrin gələn ilin əvvəllərində Britaniyada konfransını keçirməyi təklif edib.
D.Kameron bundan əvvəl Rusiya prezidenti Vladimir Putinlə görüşüb. O, görüşdən sonra Suriya münaqişəsində Qərblə Rusiya arasında hələ də böyük uçurum olduğunu bildirib, amma qeyd edib ki, tərəflərin kompromisə hazır olmasının əlamətləri görünür.(musavat/com)