Səudiyyə Ərəbistanının xarici işlər naziri Adil Əl-Jubayr bu gün Almaniyalı həmkarı Frank Valter-Ştaynmayer ilə təşkil etdiyi mətbuat konfransında, İrana Suriyadan çəkilməsi ilə bağlı çağırış edib.

Səudiyyəli nazir, İranın Suriya problemin həllinə yalnız bu ölkədən çəkilməklə yardımçı ola biləcəyini bildirib. İranın Suriyaya ərəb torpaqlarını işğal etmək üçün gəldiyini bildirən Əl-Jubayr , bunları deyib: “Ümid edirik ki, İran mövqeyini dəyişər, Suriya, Livan, İraq və Yəməndəki müdaxilələrini dayandırar”.

Səudiyyəli nazir Bəşər Əsədin bundan sonrakı taleyinə də aydınlıq gətirib. O, siyasi keçid prosesində Bəşər Əsədin hər hansı rolunun olmasına qarşı olduqlarını bildirib.