Suriyanın Deir Ezzor vilayətində İŞİD-in nəzarətində olan al-Mayadin şəhərinə edilən hücum zamanı 2 azərbaycanlı ailənin üzvləri öldürülüb.
Mediatv.az xəbər verir ki, APA-nın Suriya İnsan Haqları üzrə Müşahidə Qrupunun (Syrian Observatory for Human Rights) saytına istinadən verdiyi məlumata görə, döyüş təyyarələri tərəfindən edilən hava hücumu zamanı milliyətcə azərbaycanlı olan 2 qadın və 6 uşaq ölüb. Onların İŞİD sıralarında döyüşən şəxslərin ailə üzvləri olduğu bildirilir.
Lakin döyüş təyyarəsinin beynəlxalq koalisiyaya, yoxsa Rusiyaya məxsus olduğu aydınlaşmayıb.