“Amnesty İnternational” təşkilatı PKK-nın Suriya qolu YPG-nin İŞİD-in əlindən aldığı kəndləri yerlə-yeksan etdiyini, əhalini zorla evlərindən çıxardığını deyib.

Avropa.info xəbər verir ki, “Amnesty İnternational” kürdlərin boşlatdıqları kəndlərdə evləri xüsusi məqsədlə dağıtdığını deyir. Təşkilat bu vəhşiliyin müharibə cinayətinə bərabər olduğunu bildirib. 

“Amnesty İnternational”ın üzvləri iyul və avqust aylarında Haseke və Rakka əyalətlərində 14 qəsəbə və kənddə olublar. YPG tərəfindən əhaliyə qarşı təcavüzkarlığın olması haqda sübutlar təşkilatın hesabatına daxil edilib. Hüseyniyyə kəndində yaşayan kənd sakini YPG üçün "Bizi evdən zorla çıxarıb, evimizə od vurdular. Buldozerlər də gətirmişdilər. Bütün kənd yox olanadək evləri növbə ilə yandırdılar” – deyib. 

Kosmosdan çəkilən fotolar iddiaları təsdiq edib. Hüseyniyyə kəndindən keçən il mövcud olan 
225 binanın sayı bu il 14 ədədə düşüb. 

Hesabatda YPG-nin ələ keçirdiyi kəndlərdə İŞİD-ə simpatiyası olan adamlar xüsusi şəkildə seçilərək bu vəhşiliyə məruz qalır. 

YPG-nin mətbuat katibi Redur Xelil və mühafizə qüvvələrinin müdiri İbrahim Civan bəzi ilələrin zorla evlərindən çıxarıldığını təsdiqləyib. Ancaq kürdlərə görə bu adamların sayı azdır.