Tiflisdə yeni zooparkın tikintisinə başlanacaq.

ANS PRESS-in məlumatına görə, Gürcüstan höküməti Tifilisdə yeni zooparkın tikilməsi ilə bağlı qərar qəbul edib.

Bu haqda jurnalistlərə Tiflis şəhərinin icra başçısı David Narmaniya hökümətin iclasından sonra bildirib. Zooparkın tikintisi Tiflis su anbarının ərazisində həyata keçiriləcək.


Tiflis şəhərinin icra başçısı David Narmaniya

Yeni zooparkın tikintisinin nə vaxt başlayacağı məlum deyil. Lakin administrasiyadan qeyd ediblər ki, zooparkın tikintisi 2-3 il vaxt alacaq.

Yeni zooparkın ərazisi 47 hektar sahəni əhatə edəcək. Həmçinin o qeyd etdi ki, yeni zoopark açılana qədər köhnə zoopark fəaliyyət göstərəcək.

O həmçinin bildirib ki, yaxın 10 gün ərzində köhnə zooparkın fəaliyyətinin bərpa olunacağı gözlənilir.

Tiflisdə iyun ayında baş verən daşqın nəticəsində zooparka güclü ziyan dəyib. Zooparkın bir hissəsi tamamilə məhv olub. Baş verən təbii fəlakət nəticəsində 3 zoopark işçisi və çox sayda heyvan ölüb. 


Təbii fəlakətdən sonrakı vəziyyət