Rusiya banklarında işçilərin ixtisarına başlanılıb.

Mediatv.az anspress-ə istinadən xəbər verir ki, banklar işçi heyətinin azaldılması çətin iqtisadi vəziyyətdə biznes proseslərinin optimallaşdırılması üçün həyata keçirdiyini təsdiqləyib.

Bu ilin ilk yarısında Rusiyada fəaliyyət göstərən banklar 35 391 nəfəri, yaxud işçi heyətinin 6,4%-ni ixtisar edib. Bu, ötən ilin ikinci yarımili ilə müqayisədə 8 dəfə çoxdur. İxtisarların 53,6%-i "Home Credit" və "Russkiy Standart" tərəfindən həyata keçirilib.

Ümumilikdə isə ixtisarlar 30 bankı əhatə edib. "Russkiy Standart" bankı cari ilin ilk 6 ayı ərzində işçi heyətinin 35,5%-ni və ya 6 039 nəfərini, "Home Credit" isə 41,4%-ni və ya 12 946 nəfərini ixtisar edib. Universal banklardan ən çox işçi ixtisar edən isə 9,4% və ya 3 080 nəfər olmaqla, "Rosselxozbank" (Russian Agricultural Bank) olub. İşçi heyətində faiz payı üzrə ixtisara görə isə 26,1% və ya 1 763 nəfərlə "Ural Bank for Reconstruction and Development" birinci yeri tutub.

Ölkə banklarında hələ ki, gərgin olaraq qiymətləndirilir. Baş verən böhran bank işçilərinin maaşlarında da öz təsirini göstərib. Bir çox banklar diqqətlərini effektivliyin artırılmasına yönləndirib.