Sankt-Peterburqda mağazalardan birində kassir işləyən 41 yaşlı Azərbaycan vətəndaşı polisə müraciət edərək qızının oğurlandığını bildirib. APA TV-nin məlumatına görə, qadın 20 yaşlı qızının axşam saatlarında üç cinayətkar tərəfindən zorla maşına mindirilərək qaçırıldığını deyib. Qadın qızının Moskvada yaşayan 24 yaşlı nişanlısı tərəfindən qaçırıldığını iddia edib. Axtarış zamanı qızın “VAZ-2114” maşınında qaçırıldığını, maşının Azərbaycan vətəndaşının adına qeydiyyatda olduğunu müəyyənləşdirib. Hazırda 20 yaşlı azərbaycanlı qızın axtarışları davam edir.