Dünən Gürcüstanın Daxili İşlər Nazirliyinin və Maliyyə Nazirliyinn gəlirlər xidmətinn əməkdaşları Sadaxlı gömrük məntəqəsində odlu silah keçirmək istəyən Ermənistan vətəndaşını saxlayıblar.

APA-nın Gürcüstan bürosunun məlumatına görə, hər iki nazirliyin birgə əməliyyat tədbirləri nəticəsində 1947-ci il təvəllüdlü Ermənistan vətəndaşı A. Frunzik saxlanılıb.

Aparılan istintaq nəticəsində məlum olub ki, saxlanılan şəxs Sadaxlı gömrük-buraxılış məntəqəsindən "Valter" sistemli odlu silah və 10 patron keçirib.

Faktla bağlı istintaq tədbirləri aparılır.