22 il ölüm hökmünün icra edilməsini gözləyən amerikalı qadın məhbus azadlığa buraxılıb.

Hal-hazırda 51 yaşı olan Milke adlı qadın 4 yaşlı oğlunu öldürtməkdə günahlandırılıb. 1989-cu ildə iki kişi onun oğlunu qaçırdaraq öldürüblər. Tezliklə uşağı öldürənlər və anası həbs edilib. Qadın qətldə günahkar bilinsə də, həm özü, həm də uşağı qaçıranlar Milkenin cinayətlə heç bir əlaqəsi olmadığını deyiblər.

Bir neçə il davam edən məhkəmədən sonra qadın və uşağı oğurlayanlaraedam hökmü verilib. 

Xoşbəxtlikdən hökmün icrası 22 il ləngiyib. Yalnız 22 il sonra bütün gerçəklər üzə çıxıb. Məlum olub ki, işi araşdıran müstəntiq ifadə verənlərin ifadələrini saxtalaşdırıb. 

Məhkəmə zalında azadlığa buraxılan Milkenin ayaqlarındakı elektron qandallar açılıb. 

Günahsız olmasına baxmayaraq 22 ilini dörd divar arasında keçirən qadın isə azadlığı bir sözlə ifadə edə bilib - Çox gözəl hissdir.(ans press)