Ordu qüvvələri, eyni zamanda, Tikrit və Kərkük şəhəri ətrafında əməliyyatlar keçirir.

Ötən gün peşmərgə - kürd əsgərləri Kərkük şəhərində İŞİD qruplaşmasının mövqelərini iriçaplı silahlardan atəşə tutublar. Hərbi rəhbərlik əməliyyatlar zamanı 3 kəndin üsyançılardan azad edildiyini deyib.

Anti-İŞİD koalisiyasına məxsus qırıcılar isə, Anbar vilayətində silahlıların mövqelərini bombalayıb. Əməliyyatlar zamanı İŞİD-ə məxsus avtomobillər vurulub. Koalisiya qırıcıları rəsmi Bağdadla əməkdaşlıq çərçivəsində hərəkət edib. Əməliyyatlar nəticəsində azı 20 İŞİD avtomobili məhv edilib.

Kürd qüvvələrinə qarşı daha bir neçə yerdə kimyəvi silahdan istifadə olunub. Kürd hərbi rəhbərliyi İŞİD qruplaşmasının əsgərlərə qarşı xlor qazından istifadə etdiyini məruzə edib. Həvəskar çəkilmiş kadrlarda əsgərlərin tənəffüs sistemlərində problemlərin olduğunu müşahidə etmək olur.(ans press)