Rusiyada Mi-8 helikopteri Buryat Respublikası ilə İrkutsk vilayəti arasında itib.
Mediatv.az  xəbər verir ki, bu barədə Rusiya İstintaq Komitəsinin Şərq Regionlararası idarəsindən məlumat verilib.
“İlkin məlumatlara görə, sentyabrın 3-də Buryatiya Respublikasının İrkutsk vilayəti ilə sərhədində İrkutsk - Orlik marşrutu üzrə uçan Mi-8 helikopteri ilə əlaqə kəsilib. Helikopterdə olanların sayı və şəraitlə bağlı məlumatlar dəqiqləşdirilir”, - məlumatda qeyd olunub.
Helikopterin tapılması istiqamətində axtarışların aparıldığı bildirilib.
***
Təcili yardım reysi ilə uçan helikopter İrkutskdan 85 kilometr aralıda qəza enişi edib.
Bu barədə Buryat Respublikasının rəhbəri Aleksey Çıdenov məlumat verib.
Onun sözlərinə görə, helikopterin heyəti əlaqəyə çıxıb, xəsarət alan yoxdur.
Qeyd edək ki, avqustun 31-də də Rusiyanın Kamçatka vilayətində Mi-8 helikopteri qəzaya uğramışdı.шаблоны для dle 11.2