Prezident Ərdoğanla Rusiya lideri Putin arasında keçiriləcək görüşdə Qara Dəniz Taxıl Dəhlizi təşəbbüsünün də gündəmdə olacağı gözlənilir.
İtaliyanın baş naziri Giorgia Meloninin səfərindən sonra Ankaranın daha iki mühüm qonağı qəbul edəcəyi gözlənilir. Daha əvvəl iki dəfə səfəri təxirə salınan İran prezidenti İbrahim Rəisinin bu həftə, Rusiya prezidenti Vladimir Putinin isə fevralda Ankaraya səfəri planlaşdırılır.
Rəisinin səfəri İranın Kirman şəhərindəki bombalı hücuma görə təxirə salınmışdı. Rəisi Ankarada keçirilməsi planlaşdırılan Türkiyə-İran Yüksək Səviyyəli Əməkdaşlıq Şurasının 8-ci iclasında iştirak edəcək. İclasda mədəniyyət, elm, media, nəqliyyat, ticarət və iqtisadiyyat kimi sahələrdə 10-a yaxın sazişin imzalanacağı gözlənilir. (Publika.az)шаблоны для dle 11.2