Ukrayna Pentaqonun ölkə ilə bağlı məxfi sənədlərinin internetə sızmasından sonra bəzi hərbi planlarını dəyişib.

Mediatv.az xəbər verir ki, bu barədə Ukrayna Prezidenti Volodimir Zelenskiyə yaxın mənbəyə istinadən “CNN” yayıb. 

Bununla belə, telekanal Ukraynanın məhz hansı planlarını dəyişməsini açıqlamayıb. 

Xatırladaq ki, ötən həftə ABŞ-nin Ukrayna ilə bağlı məxfi sənədlərinin yeni partiyası internetə sızıb. İlk olaraq, Ukraynanın əks-hücum əməliyyatı ilə bağlı materiallar yayımlanıb. Daha sonradan Çin və Yaxın Şərqlə bağlı məlumatlar da sosial şəbəkələrə sızdırılıb. ABŞ Ədliyyə Nazirliyi məsələ ilə bağlı araşdırma başladıb. Ukrayna Prezidentinin Ofisinin rəhbərinin müşaviri Mixail Podolyak isə sızan məlumatları fotoşop adlandırıb.