Ukraynanın Donetsk şəhərinin mərkəzində sərnişin dayanacağında partlayış olub, 15 nəfər dinc sakin ölüb. 

“Qafqazinfo” Ukrayna KİV-nə istinadən xəbər verir ki, şəhərin mərkəzində qeydə alınan üç partlayışdan biri avtobusun yaxınlığında baş verib və nəticədə yeddi mülki şəxs həlak olub. İlkin ehtimala görə, partlayışa səbəb 82 mm avtomatik minaatan olub. 

Hazırda hadisəni törədən kəşfiyyatçıların axtarışı davam edir. Faciə baş verən əraziyə ATƏT nümayəndələri və Fövqəladə Hallar Nazirliyinin əməkdaşları gəlib. 

Atəş şəhərdə komendant saatının ləğvindən və sakinlərin küçəyə çıxmasından dərhal sonra başlayıb.  

Ukrayna xarici işlər naziri ölənlərin sayının 15 nəfər olduğun açıqlayıb və Rusiyanı terrorçuları dayandırmağa çağırıb.