Metronun "Nizami" stansiyasında qatarda texniki problem yaranıb.

Ans press-in "qaynar xətti"nə daxil olan məlumata görə, qatarın qapılarında texniki nasazlıq olub. 

“Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev isə ANS PRESS-ə açıqlamasında məsələyə aydınlıq gətirib.

O qeyd edib ki, hadisə səhər 08:20-də baş verib və qısa zaman ərzində problem aradan qaldırılıb: 

"Metronun 23 saylı qatarının 4-cü vaqonunun qapılarında nasazlıq baş verib. Qapılar bağlanmayıb və bu səbəbdən sərnişinlər qatardan düşürdülüb. Nasaz qatar depoya göndərilib və əvəzinə xətdə başqa qatar buraxılıb", - deyə “Bakı Metropoliteni” QSC-nin rəsmisi söyləyib.