Ukraynada daha bir məmur zibil qabına salınıb.

Bu dəfə Dnepropetrovsk opera və balet teatrının direktoru xalqın qəzəbinbə tuş gəlib.

Bir neçə nəfər Aleksandr Şarovarovun kabinetinə girib. Onların arasında bir müddət öncə işdən çıxarılan həmin teatrın əməkdaşları da olub.

Onlar binanın fasadında Ukrayna bayrağı olmamasını əsas gətirərək direktorun istefasını tələb ediblər. Daha sonra direktorun otağından Rusiya bayrağı tapılıb. Bundan sonra vəziyyət daha da gərginləşib.

Bir neçə saniyədən sonra əsəbi kütlə "Rüsvayçılıq" qışqıraraq direktoru teatr binasından çıxarıb və yaxınlıqdakı zibil qabına salıb. Bununla da ürəyi soyumayan şəxslər ona yumurta atıblar.

Faktla bağlı xuliqanlıq maddəsi ilə cinayət işi açılıb.

Bəzi nümayişçilər Xarkovda da oxşar aksiya keçirməyə cəhd edib, amma polis onların qarşısını ala bilib.

Qeyd edək ki, Ukraynada məmurların zibil qabına atılması aksiyası əvvəl də olub. Məsələn, ötən ilin sentyabrında Odessanın "Sağ sektor"unun fəalları müvəqqəti məşğuliyyətini itirənlər üçün Sosial Sığorta Fondunun bölgə şöbəsinin direktor vəzifəsini icra edən Oleq Rudenkoya baş çəkiblər. Onlar rüşvətxorluqda ittiham edilən məmuru küçədə qoyulan iri zibil yeşiyinə salıblar/anspress/.