Bu gün hökumət - Nazirlər Kabineti tam tərkibdə istefaya göndərilib.

Mediatv.az-ın xəbərinə görə, andiçmə mərasimi keçirilən və növbəti yeddi illik prezidentlik dövrünə başlayan ölkə prezidenti İlham Əliyev öz konstitusion səlahiyyətlərindən istifadə edərək, Nazirlər Kabinetini istefaya yollayıb.

Qeyd edək ki, Konstitusiyanın 116-cı maddəsinə görə, yeni seçilmiş Azərbaycan Respublikasının prezidenti vəzifəsini tutduğu və səlahiyyətlərini icra etməyə başladığı gün Azərbaycan Respublikasının Nazirlər Kabineti Azərbaycan Respublikası prezidentinə istefasını təqdim edir.

Prezidentin yaxın günlərdə yeni hökumətin formalaşdırması gözlənilir.

Qeyd edək ki, hökumətə baş nazir Artur Rasi-zadə başçılıq edir.

Onu da xatırladaq ki, 82 yaşı olan A. Rasi-zadə 1996-cı ilin noyabr ayının 26-dan hökumətə - 2003-cü ilin 4 avqust - 4 noyabr tarixləri istisna olmaqla - başçılıq edir.

Hökumətə bu şəxslər daxildir:

Baş nazir Artur Rasi-zadə

Baş nazirin birinci müavini Yaqub Eyyubov

Baş nazirin müavinləri Əli Əhmədov, Abid Şərifov, İsmət Abasov, Elçin Əfəndiyev

Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov

Xarici işlər naziri Elmar Məmmədyarov

Müdafiə naziri Zakir Həsənov

Ədliyyə naziri Fikrət Məmmədov

Daxili işlər naziri Ramil Usubov

Fövqəladə hallar naziri Kəmaləddin Heydərov

Müdafiə sənayesi naziri Yavər Camalov

Maliyyə naziri Samir Şərifov

Vergilər naziri Mikayıl Cabbarov

İqtisadiyyat naziri Şahin Mustafayev

Kənd təsərrüfatı naziri Heydər Əsədov

Energetika naziri Pərviz Şahbazov

Nəqliyyat, rabitə və yüksək texnologiyalar naziri Ramin Quluzadə

Əmək və əhalinin sosial müdafiəsi naziri Səlim Müslümov

Səhiyyə naziri Oqtay Şirəliyev

Mədəniyyət və turizm naziri Əbülfəs Qarayev

Ekologiya və təbii sərvətlər naziri Hüseynqulu Bağırov

Gənclər və idman naziri Azad Rəhimov

Təhsil naziri  - boşdur

Dövlət Gömrük Komitəsinin sədri Aydın Əliyev

Dövlət Statistika Komitəsinin sədri Tahir Budaqov

Əmlak Məsələləri Dövlət Komitəsinin sədri Kərəm Həsənov

Standartlaşdırma, Metrologiya və Patent üzrə Dövlət Komitəsinin sədri Ramiz Həsənov

Diasporla İş üzrə Dövlət Komitəsinin sədri Nazim İbrahimov

Dini Qurumlarla İş üzrə Dövlət Komitəsinin sədri Mübariz Qurbanlı

Ailə, Qadın və Uşaq Problemləri üzrə Dövlət Komitəsinin sədri Hicran Hüseynova

Dövlət Şəhərsalma və Arxitektura Komitəsinin sədri  - boşdur

Dövlət Təhlükəsizliyi Xidmətinin rəisi Mədət Quliyev

Xarici Kəşfiyyat Xidmətinin rəisi Orxan Sultanov

Dövlət Sərhəd Xidmətinin rəisi Elçin Quliyev

Dövlət Miqrasiya Xidmətinin rəisi Firudin Nəbiyev

Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov

Milli Arxiv İdarəsinin rəisi Ataxan Paşayev

Qida Təhlükəsizliyi Agentliyinin sədri Qoşqar Təhməzli.