Yeni Təhsil naziri kim olacaq sualı yaxın günlərdə artıq cavabını tapacaq. 

A24.az xəbər verir ki, Nazirlikdəki mənbə sayta bildirib ki, bu günlərdə Prezident Təhsil naziri postuna təyinatla bağlı sərəncam verəcək.

Günün əsas sualı isə budur: Bəs, bu şəxs kim olacaq?

Bu vəzifəyə ən şanslı namizəd sayılan BDU-nun rektoru Abel Məhərrəmovun artıq öz vəzifə səlahiyyətlərini prorektora həvalə etdiyi, bu həftədən etibarən təhvil-təslim işlərinə başladığı bildirilir.

Xatırladaq ki, Abel Məhərrəmov 1999-cu ildən Bakı Dövlət Universitetinin rektoru kimi fəaliyyət göstərir.

İxtisasca kimyaçı olan Abel Məhərrəmov AMEA-nın və Rusiya Elmlər akademiyasının üzvüdür. “Şöhrət” ordeni, “Əməkdar Elm xadimi” fəxri adı və digər adlarla təltif edilən Məhərrəmov evlidir, iki övladı var.