“Hacıbala Abutalıbov belə vəziyyətlərdə gərək diqqətli olsun”

“Hacıbala Abutalıbov bu sözü deməklə yanlışlığa yol verir. Gərək elə deməzdi. Bu bir az yaxşı ifadə deyil. Deməli idi ki, ölkədə söz sahibi olan bir nəfər var.“

Bunu İnterAz-a açıqlamasında Müasir Müsavat Partiyasının sədri Hafiz Hacıyev Bakı Şəhər İcra Hakimiyyətinin başçısı Hacıbala Abutalıbovun “Sovetski” sakinləri ilə görüşündə işlətdiyi ifadəyə münasibət bildirərkən deyib.

H.Hacıyev qeyd edib ki, Hacıbala müəllimin “Kişi söhbəti” xalq arasında düzgün başa düşülmür: “O, həm qocalıb, həm də yorulub. Bunu da nəzərə almaq lazımdır. Hacıbala Abutalıbov belə vəziyyətlərdə gərək diqqətli olsun. Hər halda bağışlamaq olar yaşına görə.”Mediatv.az