"Mediatv.az"  saytı NewTimes.kz agentliyinə istinadən xəbər verir ki, Fərhad Əbdürrəhmanov və Şövkət Zubanov adlı həmin şəxslər Qazaxıstan tərəfinin sorğusu əsasında Azərbaycan tərəfində həbs edilib və ekstradisiya olunublar.

Qazaxıstan Baş Prokurorluğu bildirir ki, Əbdürrəhmanov narkotik maddələrin qanunsuz əldə edilməsində, daşınmasında və saxlanılmasında ittiham olunur. Ş.Zuabanov isə quldur basqını törətməkdə, “Lexus LX450” markalı avtomaşını qaçırmaqda ittiham edilir.

Həmin şəxslər barəsində Qazaxıstan hüquq-mühafizə orqanları tərəfindən beynəlxalq axtarış elan edilib, onlar Azərbaycanda həbs olunub. Qazaxıstan tərəfinin ekstradisiya barədə sorğusu təmin edilib.

Ekstradisiya edilən şəxslər Almata şəhərinin aerportunda Qazaxıstanın istintaq təcridxanası əməkdaşlarına təhvil verilib.