Hazırda Bakıda Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi və Madrid Klubunun təşkilatçılığı, Dünya Elmlər və Mədəniyyət Akademiyası, BMT, İsgəndəriyyə Kitabxanası və digər təşkilatların birgə əməkdaşlığı çərçivəsində II Qlobal Açıq Cəmiyyətlər Forumu keçirilir. 

“Mediatv.az” xəbər verir ki,  2015-ci il və ondan sonrakı mərhələdə dünyanın davamlı inkişafı proqramına həsr olunan beynəlxalq Forumda prezident İlham Əliyev başda olmaqla 57 ölkədən 200-ə yaxın tanınmış ictimai və siyasi xadimi iştirak edir. 

Onların arasında 32 ölkənin sabiq dövlət və hökumət başçıları da var.