Bakı Metropoliteninin sabiq rəisi Tağı Əhmədovun bir neçə yaxın qohumu Bakı Metropolitenindəki vəzifələrindən azad ediliblər

AZERİNFO.ORG-a etibarlı mənbədən daxil olan məlumata görə aprelin 25-də keçrilən iclasdan sonra Bakı metropoliteninin rəis müavini Rizvan Bayramov işdən azad edilib. 

Xatırladaq ki,Rizvan Bayramov Tağı Əhmədovun bibisi oğlu idi. Mənbənin sözlərinə görə aprelin 25-də keçrilən iclasda daha 5 nəfər işdən azad edilib. Mənbəmiz iddia edir ki, Rizvan Bayramovdan fərqli olaraq, digər işdən azad edilənlər diplomu olmadan yüksək vəzifə daşıdıqları üçün işdən azad ediliblər. Mənbənin sözlərinə görə Ölkə başçısı İlham Əliyev tərəfindən “Bakı Metropoliteni” Qapalı Səhmdar Cəmiyyətinin  sədri təyin edilən Zaur Hüseynov qısa zamanda apardığı islahatlarla həm şəhər sakinlərinin,həmdə “Bakı Metropoliteni” Qapalı Səhmdar Cəmiyyətinin  işçilərinin rəğbətini qazanıb.

Mənbəmiz bildirir ki,Zaur Hüseynov vəzifəyə gəldiyi ilk gündə 8 mart ərəfəsində qadınları pulla mükafatlandırıb. Mənbənin sözlərinə görə uzun illər metroda calışan qadınlar Tağı Əhmədovun dövründə bir dəfə də olsun belə mükafat almayıblar.Həmçinin Zaur Hüseynov işçilərin nahar ərəfəsində yeməklə təmin edilməsinə göstəriş verib. Mənbənin sözlərinə görə yaxın zamanda “Bakı Metropoliteni” Qapalı Səhmdar Cəmiyyətinin sədri Zaur Hüseynovun islahatları davam etdirəcəyi gözlənilir. Elə buna görədir ki,Tağı Əhmədovun qohumları və yaxın dostları təşviş içindədir. 

Son günlər “Bakı Metropoliteni” Qapalı Səhmdar Cəmiyyətində yoxlamaların aparılması da buna əsas verir.Mənbənin sözlərinə görə metropolitenin əmlakını talamaqla özünə sərvət toplamış bəzi məmurlar haqqında ölçü götürülüb. 

Mənbəmiz iddia edir ki,yaxın zamanda daha bir necə vəzifəli şəxs işdən azad ediləcək. Həmçinin son günlər bu günə qədər işə cıxmayan “ölü canlar”ın işə cıxması da yeni rəhbərliyin gözündən yayınmayıb. Yeni rəhbərlik islahatlar davam etdirəcəyini bildirir. Mənbəmizin sözlərinə görə yaxın günlərdə  Tağı Əhmədovun qaynı Arif Rəsulov da işdən azad edilə bilər.