Tələbə Qəbulu üzrə Dövlət Komissiyasının mətbuat xidmətindən Publika.Az-a verilən məlumata əsasən, ümumtəhsil müəssisələri tərəfindən 204 115 nəfər təqdim edilib.

 

Onların 172 662 nəfərinin (84.59%) məlumatları daxil edilib. 144 972 nəfərin (71.02) isə məlumatları təsdiq edilib.

 

Bu rəqəmlər martın 31-ə olan informasiyalardır.

 

Qeyd edək ki, təhsil müəssisələrinin nəzərinə çatdırılır ki, ümumtəhsil müəssisələrinin 2013/2014-cü tədris ili  buraxılış sinif şagirdlərinin  ali və orta ixtisas təhsili müəssisələrinə qəbul imtahanlarında iştirakı məqsədilə elektron ərizənin təqdim edilməsi üçün “Şagird-məzun” sisteminə daxil edilmiş məlumatların təsdiq edilməsi zəruridir.  

Bunu nəzərə alaraq, TQDK şəhər (rayon) təhsil şöbələri və ümumtəhsil müəssisələrinin əlaqələndiricilərindən xahiş edir ki, daxil edilməmiş məlumatların “Şagird-məzun” sisteminə əlavə edilərək təsdiq edilməsini təmin etsinlər.