Rayon sakinləri bildirirlər ki, bu gün saat 10:00 dan qəsəbənin bir hissəsindən elektrik yoxdur. Dəfələrlə Binəqədi Elektrik Təhcizatı və Satışı Sahəsinə, həmçinin Biləcəri Enerji Təhcizatı və Satışı Sahələrinə zəng etsələr də onların zənglərinə cavab verən yoxdur. Qəsəbə sakinləri bildirdilər ki, hər gün elektrik enerjisinin kəsilməsindən artıq cana doyublar. 

Biləcəri sakinləri rayon icra başçısı Xaləddin İsgəndərovun məsələdən xəbərsiz olduğunu və saytımıza vasitəsi ilə icra başçısına problemlərinin çatdırılmasını xahiş etdilər. Ümid edirik Binəqədi icra hakimiyyəti Biləcəri qəsəbəsində elektrik enerjisinin kəsintisi ilə bağlı tədbir görəcək və sakinlərin normal həyatı qaydasına düşəcək.