Son illər ərzində Gəncə Dövlət Universiteti haqqında hədsiz çox sayda tənqidi və hətta deyərdik ki, həyəcan təbili xarakterli məlumatlar dərc olunmuşdur. Ancaq təəssüf və təəccüb hissi ilə qeyd edirik ki, bu məlumatlara ciddi diqqət ayrılmamışdır.  Sanki  hansısa  sehrli  bir  qüvvə  burada baş verən qanunsuzluqlara nəinki göz yummağa, hətta onları dəstəkləməyə, ali rəhbərliyə gedib çatmasının qarşısını almağa göstəriş vermişdir. Ona görə də növbəti bir yazı ilə kimisə təəccübləndirmək, yaxud hansısa bir aidiyyatı qurumun diqqətini cəlb etmək ümidlərini yaşamırıq. Sadəcə illər boyu yığılıb qalan cinayət xarakterli problemləri  bir  daha  vurğulamaqla öz vətəndaş mövqeyimizi ortaya qoyur və gec-tez cinayətkarların layiqli cəzalarına tuş gələcəklərini onlara xatırladırıq.
Aydın məsələdir ki, yorulub əldən düşmüş, baş verən proseslərə adekvat  reaksiya verə bilməyən, tamahkar bir qocanın ümidinə buraxılmış kollektivdə heç bir motivasiyadan, inkişafdan, normal iş prosesindən söhbət gedə bilməz. Söhbət əlbəttə ki, rektor Yusif Yusibovdan gedir. Sizcə ömrünün 70 ilini rüşvətə, korrupsiyaya, məişət pozğunluğuna, əyyaşlığa həsr etmiş bir adam 71-ci ilində birdən birə islahatçı, innovator, dövlətçi ola bilərmi? Hələ illər öncə,Azərbaycan  Kənd Təsərrüfatı İnstitutunda tələbə qəbulu komissiyasının məsul katibi işləyən zaman bu adam özünü pul hərisi, tələbə qəbulu alverçisi, özündən böyüklərin pul kisəsi kimi tanıtmışdır. Bu gün isə ağır bir daş parçası olaraq GDU-nun yükünə çevrilmişdir və universitet bu yükün ağırlığı altında çökmüş bir vəziyyətdədir. Yusif  Yusibov  universitetin rəhbərliyinə təyin edildiyi bir gündən burada neqativ hallara, dedi-qoduya, hətta kriminal hadisələrə rəvac verilmişdir.
İş o yerə çatıb ki, universitetdə kimsə tədris prosesi haqqında, yaxud elmi mövzuda söhbət açanda ətrafdakılar ona az qala ruhi xəstə kimi baxırlar ki, “bu nə danışır”. Çünki belə mövzular bu universitet üçün çoxdan yadlaşıb. Burada aktual olan mövzular rektorun yaxınlarının durmadan artan əmək haqqı və mükafatları, magistr təhsili belə olmayan “gül balaların” hansısa qondarma vəzifəyə təyin edilərək professordan artıq maaş almaları,dövlət büdcəsindən ayırmalar və tələbələrdən çətinliklə yığılan təhsil haqqları hesabına formalaşan universitet büdcəsinin təhsil prosesinə və pedaqoji heyətə aid olmayan  dörd bir yana israfçılıqla səpilməsi, eləcə də fəxri adlar, elmi adlar, vəzifələr, işə qəbul, əlavə tələbə qəbulu və s. bu kimi “birbaşa rəhbərin mətbəxinə aid olan” məsələlər üçün müəyyən edilmiş məzənnələrdir.
Universitetdə baş verən tender oynları, büdcənin talanması və maliyyə pozuntuları haqqında dəfələrlə geniş materiallar dərc olunmuşdur.
https://demokratik.az/xeberler/olkeici/26661-gdu-rektoru-yusif-yusifov-8-milyon-manata-harani-ve-ne-vaxt-temir-etdirdi.html
https://demokratik.az/xeberler/iqtisadiyyat/27512-mvcud-olmayan-shirket-gdu-da-tenderin-qalibi-oldu.html
Bu yaxınlarda Prezident İlham Əliyev Azərbaycan Televiziyasına müsahibəsində büdcə vəsaitlərindən istifadə olunması haqqında konkret mövqe bildirib.Dövlətimizin başçısı qeyd edib: “Baxmayaraq ki, biz genişmiqyaslı quruculuq işləri aparırıq, baxmayaraq ki, biz Qarabağı və Şərqi Zəngəzuru sürətlə bərpa edirik, nəinki valyuta ehtiyatlarımızı azaltmamışıq, artırmışıq və heç bir kreditə də müraciət etməmişik. Bu, nəyi göstərir? Resursumuzu göstərir, resurs bazasını göstərir. Eyni zamanda, onu göstərir ki, biz vəsaitdən çox ehtiyatla istifadə edirik, israfçılığa, lazım olmayan xərclərə yol vermirik. Vaxtilə nəzarətsiz olan xərclər artıq keçmişdə qalıbdır, bütün dövlət məmurları mənim təlimatlarımı icra etməlidirlər və edirlər ki, hər manata qənaət etməliyik”.
Azərbaycan Prezidenti deyib ki, lazım olmayan layihələrə, xeyir gətirməyən layihələrə, sadəcə, görüntü naminə, yaxud da hansısa başqa maraqlar naminə vəsait sərf etmək olmaz. Bəs ölkə prezidentinin “hər manata qənaət olunmalıdır” çağırışı qarşısında görəsən GDU-dakı bu talançılığa rəvac verən kimdir? Heç bir təmir aparılmadan silinən milyonlar,xidməti maşınların təmiri ilə bağlı yalandan yazılıb mənimsənilən pullar görəsən  hara gedir???
Daha bir pul yuma maşını universitetdə dillər əzbəri olan innovasiyalar departamentidir. Bu departament məşhur Asif-Vasif qardaşları tərəfindən idarə olunur və rektorun qürur mənbəyidir. Yüksək maaş (elmlər doktoru, professordan artıq), xaricə ezamiyyətlər, təriflər, təltiflər, mükafatlar, onların ailə üzvlərinin işə qəbul edilməsi və s.. Bir sözlə az qalır rektor desin ki, “ay məni istəyən bu qardaşlara bir xələt”. Bu qardaşlar da öz növbəsində orta məktəbin orta sinif şagirdlərinin  də  bildiyi  sadə kompüter  texnologiyalarını  rektora az qala özlərinin bir elmi yeniliyi kimi təqdim edərək onu heyrətləndirirlər. Rektorun da bu  sahədə  bilikləri məhdud olduğu üçün elə bilir ki, bu adamlar dahidir  və  GDU-da analoqu olmayan informasiya texnologiyaları yaradıblar. Hətta ehtiyat edir ki, kimsə onlar haqqında eşidər və onları başqa təşkilata aparar, GDU qalar yaman günə. Bu yerdə “Yeddi oğul istərəm” filmindəki məşhur “Hamam hamam içində”... misalı yada düşür. 
Amma bu hələ bəlanın yarısıdır. Əsas bəla ondan ibarətdir ki, universitetin az qala bütün işləri, xüsusilə fəaliyyətinin ana xətti hesab olunan tədris prosesi də məhz bu adamlar tərəfindən idarə edilir. Görəsən, bu innovasiyalar deportamenti tədrisdə hansı innovasiyanı tətbiq edib, hansı elmi inqilaba imza atıb, universitetə hansı mütərəqqi texnologiyanı gətirib? Bunların ən böyük xidməti universitetdə keçirilən test imtahanlarını rəhbərliyin arzu etdiyi formada yönəldərək saxtalaşdırmaq, bir sözlə, gəlir mənbəyinə çevirməkdən ibarətdir.
Ermənilərin Gəncəyə raket atması nəticəsində yaralanan erməni Karina Qriqoryan bu qardaşların nənəsidir. Ötən illərdə isə rektorun təqdimatı  ilə  Prezidenti aldatmaqla elmi dərəcəsi belə olmayan Vasif Həsənova “Tərəqqi” medalı verilib, bu iki qardaş  bütün il boyu layihə adı altında xarici ölkələrdə universitetin pullarını havaya sovurur. İndiyədək layihələr üçün xərclənən pulların isə bir dəfə də olsun hesabatı aparılmayıb və heç bir maliyyə sənədlərində qeyd olunmayıb.
        2019-cu ilin may ayında GDU-da keçirilən beynəlxalq konfransda bu qardaşların dəvətilə konfransa milliyyətcə erməni olan Fransalı qonaqlar da təşrif buyurmuşdular. ”İmperial” şadlıq sarayında keçirilən ziyafətdə zala türk iştirakçıların şərəfinə Türkiyənin də bayraqları gətirildi və bu zaman həmin qonaqlar etiraz əlaməti olaraq məclisi tərk etdilər. Bu fakt özlüyündə Həsənovların hansı məntiqə sahib olan şəxslərlə əlaqələrini ortaya çıxaran haldır.
Həsənov qardaşlarının həyat yoldaşları, bacıları, xalaları belə GDU-da işləyirlər. GDU artıq onlar üçün ailə universitetinə çevrilib. Universitetin dosentləri 500-600 manat həddində maaş aldıqları halda, bu qardaşlara rektor Yusif Yusifovun diqtəsilə qeyri-qanuni maliyyə təlimatlarına uyğun olaraq 2000 manatadək maaş yazılır. Çünki, Vasif Həsənov rektorun test imtahanları zamanı  bəzi maxinasiyalarına rəhbərlik edir. İmtahana pul vermiş tələbələrin qiymətləri Vasif Həsənovun xüsusi məharəti ilə düzəlir. Tələbənin təhsil almaq, elmə yiyələnmək arzusunu məhz Vasif Həsənov davamlı şəkildə məhv edir. Vasif   Həsənov GDU-da təhsilimizin, millətimizin qəsdinə duran baltadır.
Universitetin tədrisin təşkili və təlim texnologiyaları üzrə prorektoru Fəxrəddin Məmmədov ağır xəstəlikdən vəfat etdi. Nənəsi erməni olan Vasif Həsənov  özünü tədris işləri üzrə prorektor kimi aparır. Kimya-biologiya fakültəsinin  dekanı  İsfəndiyar  Alverdiyev ilə "qardaşağa" olan Vasif Həsənov ona  deyir ki, prorektor ya sən olacaqsan, ya da mən. Yusif  Yusibov isə yaxın ətrafı ilə söhbət zamanı deyib ki, İsfəndiyar müəllimi prorektor qoymaqdansa,o vəzifəni boş saxlamaq daha yaxşıdır. Təbii ki,Yusif Yusibovun ermənilərə olan məhəbbəti (Fransadan konfransa gətirilmiş erməni əsilli alimlər,erməni qohumları olan şəxslərə universitetdə  verilən imtiyazlar bunların bariz nümunəsidir)  rektorun Vasif Həsənova üstünlük verdiyini göstərir. Artıq rektor hər yerə erməni əsilli Vasif Həsənovla gedir. Universitetdə tədris işləri nəzarətdən çıxıb. Rektorun iclasları ancaq dedi-qodulardan ibarətdir. Pandemiya dövründə də karantin qaydalarını kobud şəkildə pozaraq, tez-tez iclas keçirdərək, deyirdi ki, Sizi ona görə yığmışam ki,bir-birimizin üzünü görək.
Universitet elmi  şurasının bu günlərdə keçirilən iclasında yay imtahan sessiyasının  nəticələri  müzakirə  olunurdu. Tədrisin təşkili və təlim texnologiyaları   üzrə  prorektor  ağır xəstə  olduğu  üçün hesabatı da "İnnovasiyalar deportamenti"nin  rəhbəri, ömründə  bir dəfə dərs  keçməyən, amma Yusif Yusifovun səxavəti ilə sinəsindən layiq olmadığı "Tərəqqi" medalı asılan, erməni  əsilli, "Sorosun uşaqları"  adı ilə tanınan Vasif  Həsənov verirdi.
Rektor ona 10 dəqiqə  çıxış üçün vaxt  ayırsa da 40 dəqiqəyə kimi danışdı. Nə dediyini isə özündən başqa başa düşən olmadı. İmtahanların keçirilməsi və innovativ  texnologiyalar  haqqında danışmalı olduğu halda layihə adı altında xarici ölkələrə səfər təəssüratlarından danışdı.
Amma yeri gəlmişkən, keçirilən yay imtahan sessiyası haqqında bir az məlumat verək.
Məsələn, universitetdə yaz imtahan sessiyası indiyədək görünməmiş bir “innovativ” metodla həyata keçirilmişdir. Belə ki, hər sessiyadan sonra guya fədakar əməklərinə görə məvaciblərinin 2-3 misli qədər mükafat alan tərifli innovasiyalar departamenti (Yusif Yusibovun ”oğulları”) Microsoft Teams üzərindən  imtahanı qura bilməmələri səbəbindən elə 1-ci imtahanda böyük problem yaranmış, tələbələr “onlayn” imtahana qoşula bilməmişlər, qoşulanların isə nəticələri sıfırlanmışdır. Lakin bu işin öhdəsindən gələ bilməyən adamlar nə olursa olsun,  özlərini günahkar kimi qələmə verməmək üçün belə bir şayiə yaymışlar ki, guya imtahan prosesində tələbələrin evlərində işıq sönüb və yaxud internet əlaqəsi kəsilib. Ona görə də tələbələrin böyük əksəriyyəti imtahana qoşula bilməyib. Rektor  da əlbət ki, bu versiya ilə razılaşıb. Axı onu Asif-Vasif  qardaşları  uydurub. Hətta belə olduğu halda adi məntiqi qərarla təkrar imtahan təşkil etmək əvəzinə bu adamlar bir qədər də irəli gedərək daha bir ilkə imza atıblar. Onların təklifi ilə rektor belə bir əmr imzalayıb ki, birinci imtahandan qeyri-müvəffəq qiymət alanlar ərizə ilə müraciət edibsə onların sonrakı imtahanlardan  aldığı  qiymətlərin  orta  nəticəsi  birinci imtahana da şamil olunsun.
Əvvəla 01.06.2021 tarixdə respublikada heç bir fövqaladə hal baş verməmişdi, buna  görə  də  müxtəlif şəhər və rayonlarda yaşayan 5-6 min tələbənin evində eyni zamanda işıq sönə və yaxud internet yoxa çıxa bilməzdi. İkincisi  daha  maraqlıdır. Belə çıxır ki, tələbə birinci imtahanda  Azərbaycan tarixi, Xarici dili  və s. fəndən kəsilmiş, sonradan Kimya, Riyaziyyat, Ədəbiyyat, lap elə Yüngül Atletikadan müsbət qiymət almışdırsa, onda həmin qiymətlər Azərbaycan  tarixinə  və  yaxud Xarici dil fənninə də hesablanacaq. 
 Hörmətli Təhsil Nazirimizdən rica edirik ki, GDU-dakı   bu cür  “innovativ” imtahan üsulunu  dəyərləndirsin  və əgər qəbul olunan hesab edirsə, həmin texnologiya digər universitetlərə də qış  sessiyası imtahanları üçün  tövsiyə olunsun.
Buradan belə bir sual da meydan çıxır ki, rektorun əmri niyə bütün tələbələrə deyil, yalnız ərizə yazanlara şamil edilir? Yəqin aydın olur ki, bu ərizəni də təqdim edib üstünə dərkənar yazdırmaq sadə iş deyil. Hər ərizə qəbul olunmur. Gərək ərizəçi kimlərinsə saqqalının altından keçsin. Göründüyü kimi universitetdə pandemiya dövründə də prosesləri lazımi məcarada yönəltmək və bundan bəhrələnmək üçün üçün daha bir innovativ texnologiya tətbiq edilmişdir. Axı pandemiya dövründə kütləvi tədbirlər ləğv olunduğu kimi, kütləvi pul yığma kampaniyası  da baş tutmur. Ona görə də asta-asta, sərin-sərin ərizə-mərizə oyunları  gedir. Bir də ki, əlbəttə işə qəbul, vəzifə təyinatları, seçkilər bərpa olunana  qədər  müqavilə  müddətinin  uzadılması  da bu qəbildən olan proseslərdir.
Universitetin kifayət qədər pulu olmağına baxmayaraq,hər ay hər dekandan 20 manat universitetin internetinə,50 manat universitetdəki tualetlər üçün tualet kağızına və sabuna pul yığılır.Təsərrüfat hissəsi isə bu pulları yazaraq silir.
Elmar Vəliyev Gəncənin İcra Hakimiyyətinin başçısı olduğu dövrdə dəfələrlə ictimaiyyət qarşısında Yusif Yusibovu təhqir etmiş, küçə sözləri ilə aşağılamışdı. O zaman bir çox insanlar rektorun halına acımışdı. Amma indi əsarətdən qurtulmuş rektor özü sabiq icra başçısının işini uğurla davam etdirir. O, tabeliyində olan əməkdaşları təhqir edir, universitet tədbirlərinə dəvət olunanları onun gəlişini saatlarla gözləməyə məcbur edir, etik normalara məhəl qoymadan davranışlar sərgiləyir.
Universitedə dərs deyən müəllimlər  tədris üçün müxtəlif dərs vəsaitləri yazırlar. Lakin bu kitabların  heç  biri  universitetin  nəşriyyat şöbəsi tərəfindən nəşr olunmur. Açılışına Prezident İlham Əliyevin də qatıldığı ADAU-nun tələbə yataqxanası  ən  müasir  standartlara  cavab verən tələbə  yataqxanasıdır. Burada bir tələbənin qalması  üçün  illik  xərc 350 manatdır. GDU-nun yataqxanası isə sovet dönəmindən qalma yataqxanalardır. Üç  beşmərtəbəli  binadan  ibarətdir. Bu binalar  sökülmədən  yalnız  təmir  olunub. Maraqlıdır ki,bu üç beşmərtəbəli binanın təmirinə 8 milyon manat xərclənib. Sentyabr ayında nazir Emin Əmrullayev  yataqxananın  açılışını  edib. Amma  buna  baxmayaraq rektor göstəriş verib ki, yataqxanadakı otaqlar noyabrın 12-dən sonra tələbələrə verilsin. Maraqldır, noyabrın 10-na kimi  tələbə  harada qalmalıdır? Bir tələbə üçün aylıq yataqxana xərci 70 manat müəyyənləşdirilib. Həm də tələbə səhər və axşam yeməyini yataqxanada yeməlidir.(Günorta yeməyi isə verilmir.Rektorun elmi şurada  dediyi  təklifə  görə günorta yeməyində tələbə peçenye və vafli ilə də keçinə bilər). Bunun üçün ayda 170 manat pul tələb olunur. Bu da bir ayda 240 manat  pul edir.  ADAU yataqxanasında  isə bir illik xərc 350 manat təşkil edir.Bu şərtlə razılaşmayan tələbələrə isə yataqxanada yer verilmir.
Digər tərəfdən isə Fəxrəddin Həsənov restoranda sərxoş vəziyyətdə belə bir məlumat verib: "Yataqxananın  təmiri  zamanı tender başqa adamın adına rəsmiləşsə də bütün təmir işlərini rektorun qardaşı Çingiz Yusibov həyata keçirib. O, isə defekt unitazlar gətirib. Lakin rektor deyib ki, bunları mənim qardaşım gətirib. Ziyana düşməli deyil ki...Nəticədə  həmin unitazlar  qoyulub. Nazir Emin Əmrullayev açılış edib gedəndən sonra, tələbələrin gəlişi başlayacaq deyə suyu sistemə buraxıblar. Nəticədə bütün mərtəbələri su basıb. İndi həmin unitazları söküb,Netlə təmizləyib, dəyər-dəyməzinə satdılar. Mərtəbələri su basmış, divarları belə zay olan  başıbəlalı  8 milyona təmir olunmuş üç  beşmərtəbəli yataqxana yenidən təmir olunur. Ona görə də yataqxanalar hələ də tələbəsiz qalıb.
Gəncə Dövlət Universitetində professor-müəllim heyətinin maaşı artırılmır. Gəncədəki digər universitetlərlə müqayisədə GDU-da əmək haqqı qat-qat aşağıdır. Əmək haqqı “mənim səndən xoşum gəlir” (yaxud gəlmir) prinsipi ilə bölünür. Ştat cədvəli üzrə vəzifə maaşları arasında müəyyən bir əmsal olduğu halda, xoşa gələn adamlara, yəni rektorun yaxın çevrəsinə istənilən maaş, üstəgəl daimi mükafatlar verilir, xoşa gəlməyənlərin maaşını artırmağa isə guya vəsait tapılmır. Tələbələrin keçirdiyi ödəniş pulları isə yalandan yazılan təmirlərə, rektorun katibəsinin,köməkçisinin və s. kimi şəxslərin guya maşınlarının təmirinə yazılaraq silinir. Ümumiyyətlə, işçilərinin əksəriyyətinin minimal 250 manat əmək haqqı alan bir universitetin yalnız “seçilmiş adamları”na 2000-2500 manat maaş verilir.
GDU-da Azad Tələbə Həmkarlar İttifaqı Komitəsi adlı bir təşkilat da var. Bu təşkilatın sədri 2010-cu ildən Pərviz Adıgözəlov təyin olunub. Pərviz Adıgözəlovun artıq 43 yaşı var, baba olmağına baxmayaraq hələ də adında “azad” sözü olan, amma özü azad olmayan Azad Tələbə Həmkarlar İttifaqı Komitəsinin sədridir. Bu şəxs fondun pullarını istədiyi kimi xərcləyir, hələ bu günə qədər bir nəfər maddi vəziyyəti ağır olan tələbəyə maddi yardım etməyib. Edilən yardımlar özünə yaxın olan tələbələrin adına yazılaraq Pərviz Adıgözəlov tərəfindən mənimsənilir. Bu adam rektorun xəbərdaşıyanı funksiyasını yerinə yetirdiyinə görə hələ də həmin vəzifədə saxlanılır. Akkreditasiya Komissiyasının yoxlama hesabatında  Universitetdə Tələbə Elmi Cəmiyyətinin sədrinin, habelə Tələbə Həmkarlar Təşkilatının Sədrinin tələbə olması öz əksini tapıb. Lakin bu tələblər GDU-da qulaqardına vurulur. Adlarında Tələbə sözü olan bu təşkilatların sədrləri niyə tələbə olmamalıdır???
Azərbaycanda elə bir səlahiyyətli qurum qalmayıb ki, oraya Yusif Yusibovun  uzun  illər  ərzindəki  təhsil terroru haqqında müraciət olunmasın. Buna baxmayaraq indiyə qədər nəinki tədbir görülməyib, heç bu şikayət və müraciətlərdə  sadalanan  çoxsaylı  faktları  araşdırmaq  üçün aidiyyatı qurumlardan bir cəhd belə olmayıb. Görünür məsələni beynəlxalq müstəviyə qaldırmaq lazımdır ki, bəlkə rektorun havadarlarının əli ora çatmaya.
İş o yerə çatıb ki, bu  məlumatları ora-bura şikayət edən adamları universitetdə  rektorun  adamları  məhşər  ayağına  çəkirlər, onlar işdən çıxarılmaqla hədələnir, hər addımda izlənilir. Ona görə də çox vaxt əməkdaşlar ora-bura anonim şəkildə müraciət edirlər ki, bəlkə əlaqədar təşkilatlar oxuyub bir tədbir görə...
Hələ sovetlər dönəmində GDU–da (o vaxtkı Kirovabad Dövlət Pedaqoji İnstitutunda) belə bir hadisə olub. İnstitutdakı özbaşınalıqlardan təngə gəlmiş kollektivin bir neçə nüfuzlu  üzvü, dövlət orqanlarına  etdikləri müraciətlər cavabsız  qaldığı üçün, rektorun qəbul otağına gələrək qapısını mismarlamış və onu öz kabinetində dustaq etmişlər. Bundan sonra o zamankı şəhər partiya komitəsinə zəng edərək oradan nümayəndə göndərilməsini tələb etmiş və yalnız gələn nümayəndələrə  öz haqlı  tələblərini  çatdırdıqdan  sonra rektoru dustaqlıqdan azad etmişlər. Kaş ki, mismara ehtiyac qalmaya...
                                                Hörmətlə,
                                     Gəncə Dövlət Universitetinin taleyin ümidinə  
                                     buraxılmış başıbəlali professor-müəllim heyəti
                                      adından Abbas Məmmədov,Yeganə Hüseynova
                                    шаблоны для dle 11.2