Bundan sonra ABŞ-Türkiyə münasibətlərində ssenari dəyişə bilər

Ana səhifə Bizimlə əlaqə

Saleh Məmmədovun TOPDAĞITMAZ SƏRVƏTİ..

Gəncə Dövlət Universitetinin 4 milyon manatdan çox “alış-veriş” siyahısı

Keçmiş deputat yenə meydandadır... MEYDAN SULAYIR..

İnstitutda keçirilən müəmmalı satınalmalar nələrdən xəbər verir

İlham Məmmədov eyni iş üçün sahibkardan iki dəfə pul tələb edir?

Şərurlu İsfəndiyarla bağlı hüquqi araşdırmalara START VERİLİR..

Xəstələri şikəst edən Lor Hospital… – dəhşətli özbaşınalıq

Deputat oğlunun Londondakı şirkətindən yeni xəbər -Aktivlərini artırıb

Nazirliyinin rəhbərliyində "soyuq" savaş

Siyasət (16-02-2021, 12:26)
Bundan sonra ABŞ-Türkiyə münasibətlərində ssenari dəyişə bilər - ekspert

Amerika Birləşmiş Ştatları Dövlət Departamentinin Türkiyənin 13 mülki vətəndaşının PKK/KCK terror təşkilatı tərəfindən əsir götürüldükdən sonra öldürülməsi ilə bağlı açıqlaması qardaş ölkədə birmənalı qarşılanmayıb. "Sputnik Azərbaycan" Türkiyə KİV-nə istinadən xəbər verir ki, Dövlət Departamentinin açıqlamasında bu ifadələr yer alıb.

"Birləşmiş Ştatlar Türkiyə vətəndaşlarının İraqın Kürdüstan bölgəsində öldürülməsinə görə təəssüflənir. NATO müttəfiqimiz olan Türkiyənin yanındayıq və son qarşıdurmada həlak olanların ailələrinə başsağlığı veririk. Türkiyə vətəndaşlarının terror təşkilatı PKK-nın əlində ölməsi xəbərləri doğrudursa, bu addımı qətiyyətlə pisləyirik", - deyə Dövlət Departamentinin yaydığı məlumatda bildirilir.

Mövzu ilə bağlı açıqlama verən politoloq Əhəd Məmmədli "Mediatv.az"ə açıqlamasında bildirib ki, Türkiyə-ABŞ, Türkiyə-Rusiya, ABŞ-Rusiya münasibətləri paralelliklə müqayisə edilə bilər. Politoloq qeyd edib ki, burda bir neçə senari ola bilər:

"Məsələn, ABŞ Türkiyəyə qarşı sərt siyasət tuta bilər. Rusiya ilə münasibətləri isə yaxşılığa doğru gedə bilər. Bu, təbii ki, Türkiyənin maraqlarına cavab vermir. Yox, əksinə də ola bilər. ABŞ Türkiyənin yanında olub, onunla münasibətləri düzəldib bir yerdə Rusiyaya qarşı cəbhə aça bilər. Bu senari Türkiyənin maraqlarına cavab verir. Üçüncü senari də ola bilər ki, ABŞ hər iki ölkə ilə münasibətlərin gərginləşməsinə doğru getsin. Bu da Türkiyə və Rusiyanın daha da yaxınlaşmasına səbəb ola bilər və bu, Türkiyənin maraqlarına cavab verir".

Politoloq qeyd edib ki, ən az ehtimal olunan senari ABŞ-ın həm Türkiyə, həm Rusiya ilə münasibətləri düzəltməyə çalışmasıdır:

"Bilirsiniz ki, Donald Tramp bunu etmək istədi. Amma ona Baydenin komandası, onu müdafiə edən elitalar imkan vermədi. Hesab edirəm ki, yaxın gələcəkdə, yəni biz Co Baydenin xarici siyasətini gördükcə dəqiq nəsə deyə bilərik.

Amma PKK ilə bağlı Türkiyə haqlıdır. İndiki PKK-nın arxasında Amerika durur".