Ermənistan rəhbərliyinin Qarabağla bağlı təhlükəli və təhrikedici gedişləri davam edir.

"Mediatv.az" xəbər verir ki, 44 günlük müharibədə ağır zərbə alaraq, darmadağın edilən və yalvararaq, kapitulyasiyaya imza atan Ermənistan 10 noyabrda imzalanan Bəyanatda qətiyyən nəzərdə tutulmamasına baxmayaraq, keçmiş və qondarma “dqr”in statusunu gündəmə gətirmək üçün bütün variantlardan istifadə edir.

Hazırda hələ də Azərbaycanın Xankəndi şəhərində və rus sülhməramlılarının qoruduğu ərazidə qondarma “dqr”in bayraq əvəzi əski parçası qalmaqdadır. Hazırkı “taym-aut”dan istifadə edən erməni təbliğat vasitələri isə bu faktı manipulyasiya etməyə başlayıblar. Araik Arutyunyan da özünü “dqr prezidenti” kimi təqdim etməkdə davam edir.

Bu gün bu separatçı-terrorçu Ermənistanda fəaliyyət göstərən möbil operator təmsilçiləri ilə görüşüb. Onlara Azərbaycanın Qarabağ bölgəsində “tam fəaliyyət” (rominqsiz nəzərdə tutulur – red.) təklif edilib.

O bəyan edib ki, 2021-ci ildən “dqr” Ermənistandakı xidmətlə birləşdiriləcək, rominq xidməti ləğv ediləcək.

Qeyd edək ki, bu, Azərbaycanın ərazi bütövlüyünə qəsd təşəbbüsüdür. Xüsusilə sülh danışıqlarının başlamasına hazırlıq görüldüyü bir zamanda Ermənistanın yenidən separatizmi körükləməsi, Azərbaycanın Qarabağ bölgəsindəki rus sülhməramlılarının nəzarəti altında qalan ərazidən “öz ərazisi” kimi bəhs etməyə çalışması Azərbaycanı növbəti dəfə qəti addımlara təhrik edə bilər.

Bir daha vurğulayaq ki, Bəyanatın zəmanətçisi kimi çıxış edən Rusiya Prezidenti Putin açıq şəkildə “Dağlıq Qarabağ həmişə Azərbaycan ərazisi olub” deyə, qəti mövqe ortaya qoydu. Eyni zamanda, ermənilərə hər hansı statusun Bəyanatda nəzərdə tutulmadığını da elan etdi.

Azərbaycan Prezidenti İlham Əliyev isə Qarabağda yaşayacaq erməni əhalisinə heç bir status verilməyəcəyini rəsmən bildirib.

Beləliklə, Ermənistanın bu addımları Bəyanatdan yayınmağa çalışmaqdır ki, bunu da Putin “özünəqəsd” adlandırıb.шаблоны для dle 11.2